राजेश हमालका लागि मरिहत्ते गर्ने फ्यानको कमी छैन । हमालसाग बिहे गर्न रुचाउने पनि धेरै छन् । तर, हमालले यी सबै फ्यानको चाहनालाई बेवास्ता गर्दै यतिखेर विराटनगरतिरकी एक २५ वर्षीया युवतीसाग डेट गरिरहेको खबर आइरहेका छन् । आगामी वर्ष बिहे गर्ने तयारीमा रहेका हमालले उनको मायामा बरफझैं पग्लिन थालेको समेत बताउने गरेका छन् । यसैबीच अर्की एक युवती वर्षौंंदेखि राजेशसाग बिहे गर्ने इच्छा सााचेर बसेकी छन् । साढे दुई वर्षको उमेरदेखि राजेशलाई मन पराउन थालेकी अभिरुचि बुढाथोकी यति बेला १९ वर्ष पुगेकी छिन् । राजेशसागको आकर्षणबारे अभिरुचिसित नेपाली खबरले गरेको कुराकानी :

कति वर्षदेखि हमाललाई मन पराउन थाल्नुभयो ?

यस्तै, साढे दुई वर्षकी थिएँ । त्यति बेलादेखि उहाँप्रतिको मेरो चाहना बढेको हो ।

त्यति सानो उमेरदेखि कसरी हमालप्रतिको लगाव बढ्यो ?

ममी र दिदी सिनेमा हेर्न जानुभएको थियो । त्यतिबेला राजेश हमालले अभिनय गरेको चलचित्र गोपीकृष्ण हलमा लागिरहेको थियो । सिनेमा हेर्दै जाँदा भिलेनले उहाँलाई छुरी हानेको दृश्य थियो । त्यो दृश्य हेर्दै जाँदा म बेहोश भएर ढलेछु । पछि, अस्पतालमा पुर्‍याउँदा डक्टरले राजेश हमाललाई भेटाउनुपर्छ भनेछन् । यसपछि, ड्याडी, मामा र अंकलले मलाई हमालसँग भेटाउनुभयो । भेटमा मैले उहाँलाई म तपाईसँग बिहे गर्छु भनेकी थिएँ ।

बिहे गर्छु भन्दा के भन्नुभयो राजेशजीले ?

उहाँले मलाई सधैँ नै प्रोत्साहन दिने काम गर्नुभयो । तिमी स्कुल टप भयौ, कलेज टप भयौ भने तिमीले सोचेको पूरा हुन्छ भन्नुभएको थियो ।

यसपछि कतिपटक भेट भयो राजेशसँग ?

त्यसपछि कतिपटक भेट भयो मलाई नै याद छैन । तर, उहाँले मलाई प्राय: चोभारमा सुटिङ हुँदा बोलाउनुहुन्थ्यो ।

अन्यत्र भेट भएन ?

प्राय: उहाँको गीतको सुटिङ हुने बेलामा । सुटिङमा उहाँले नायिकासँग अंगालो मार्दा मलाई रिस उठिहाल्थ्यो । कतिपटक त मैले नायिकाहरूलाई हात हालेकी छु ।

बाफ रे कति धेरै क्रेजी हुनुभएको उहाँप्रति ?

मलाई थाहा छैन । तर, मलाई उहाँले जे गरे पनि मन पर्छ । उहाँ नाचेको, बोलेको, हाँसेको सबै कुरा मन पर्छ ।

अझै पनि राजेशसँगै बिहे गर्ने भन्नेमा ढुक्क हुनुहुन्छ ?

पहिले जस्तो बिहे नै गर्नुपर्छ भन्ने कुरामा म अडिग छैन । किनकि, सबै सम्बन्धको अन्तिम विन्दु बिहे नै होइन । तर, हमालले आएर म तिमीसँग बिहे गर्न चाहन्छु भनेर प्रपोज गर्नुभयो भने म तयार छु ।

उहाँकी प्रेमिका छिन् भन्ने थाहा छ ?

किन थाहा नहुनु ? सबै कुरा थाहा छ । प्रेमिकाको नाम पनि थाहा छ, यहाँ भन्नुपर्छ भन्ने लाग्दैन ।

प्रेमिका छ भन्ने सुन्दा रिस उठ्दैन ?

जतिबेला म उहाँसँग बिहे गर्छु भनेर जिद्दी गर्थेँ त्यतिबेला पनि उहाँको प्रेमिका छ भन्ने मलाई थाहा थियो । म १४ वर्षकी हुँदादेखि नै युवतीसँगको सम्बन्धमा छु भनेर उहाँले मलाई भन्नुभएको थियो ।

प्रेमिका छ भन्ने थाहा पाएरै बिहेप्रतिको तपाईंंको क्रेज घटेको हो ?

कृपया मलाई हमालको प्रेमिकासँग तुलना नगर्नुहोस् किनकि हिजो पनि म हमालको फ्यान थिएँ, आज पनि छु र भोलि पनि रहिरहनेछु ।

तपाईं पनि तरुनी भइसक्नुभयो, प्रेममा पर्नुभएको छैन ?

आजसम्म छैन ।

तपाईंको बिहे राजेश हमालसँग भएन भने के गर्नुहुन्छ ?

उहाँको बिहे नभई म कसैसँग बिहे गर्दिनँ । यो उमेरसम्म पनि उहाँको बिहे नहुँदा चाहिँ मेरै लागि पर्खेको हो कि जस्तो लाग्छ ।

कहिलेसम्म रहन्छ हमालप्रतिको यस्तो क्रेज ?

सधैँभरि । भोलि मेरो अन्तै बिहे होला, त्यो बेला छोराछोरी बोकेर उहाँलाई भेट्न जानेछु ।

साभार:सौर्य दैनिक